Թրամփը Պենտագոնին հանձնարարել է վերականգնել զինված ուժերը․ Փիթ Հեգսեթ

Թրամփը Պենտագոնին հանձնարարել է «վերականգնել ԱՄՆ զինված ուժերը»՝ Ռուսաստանի և Չինաստանի մերձեցման ֆոնին։ Այդ մասին Fox News-ի եթերում հայտարարել է պաշտպանության նախարար Փիթ Հեգսեթը: Նրա խոսքով, այդ երկրները մերձեցել են Բայդենի վարչակարգի թուլության արդյունքում։

«Ցավոք, նախորդ վարչակազմի թուլությունը Ռուսաստանին և Չինաստանին ավելի մերձեցրեց։ Սա սարսափելի իրադարձություն էր, որը պայմանավորված էր ամերիկյան առաջնորդության և ուժի բացակայությամբ», - շեշտել է Հեգսեթը։

«Պետք է վերականգնենք մեր զինված ուժերը՝ պատմական ձևով, վերականգնենք զսպող ուժը՝ ոչ թե այն պատճառով, որ մենք փնտրում ենք կոնֆլիկտ: Մենք դա չենք անում: Եվ մենք դա հստակորեն ցույց ենք տվել Չինաստանին, Ռուսաստանին և մյուսներին: Այլ որովհետև, լինելով պատրաստ, մենք կանխում ենք կոնֆլիկտը: Մենք ապահովում ենք ամերիկյան ժողովրդի անվտանգությունը»,- ասել է նա:

Միևնույն ժամանակ, նա նշել է, որ Թրամփը «հիանալի հարաբերություններ ունի Սի Ծինփինի հետ», և Վաշինգտոնը «կօգտագործի դա՝ հույս ունենալով գտնել համատեղ աշխատանքի ուղիներ»: